Sjónvarpsfíkillinn

Ég er svo mikill sjónvarpsfíkill! Það er alltaf kveikt á sjónvarpinu þegar ég er heima og síðan ég fór að sofa ein aftur sofna ég annað hvort alltaf með sjónvarpið í gangi eða tölvuna. Núna eru það Friends sem fá að rúlla endalaust, en einnig fá gelgjumyndirnar mínar að ganga. Ég hef ekkert gleymt þeim Chad Michael fær alveg að vera hjá mér reglulega Verst að hann veit það ekki... Er viss um að við værum gift ef við hefðum hist einhvern tímann. Hann hefði fallið algerlega fyrir mér, eins og þeir gera allir Verst að þeir fara allir líka Oh well... þeirra missir  

Núna er ég að horfa á Jay Leno og er að bíða eftir að Boston Legal byrji.  Missti af því í gær af því að ég var að vinna. Eg missti líka af O.C áðan en það var allt í lagi. Lifi það alveg af. 

Æ ég nenni ekki meiru... er orðin sybbin... 

Random..

Ég virðist ekki hafa neitt betra að gera í lífinu en að blogga En þá hafið þið bara meira að lesa Fyndist samt gaman að fá fleiri komment en þetta er nú allt í lagi Ég er að hugsa um að skipta bara alfarið yfir í þetta blogg. Líst ágætlega á þetta og get flokkað bloggin mín niður held ég! Kannski fáið þið einhverjar spennandi færslur um eitthvað annað heldur en mitt daglega líf eins og bækur eða eitthvað. 

Ég þarf að klára að velja fyrir skólann. Verð með 19 einingar næstu önn og 14 á vorönn. Það er soldið mikið en ég er svo ferlega klár og dugleg að ég ætti að rúlla þessu upp. Svo erum við að skoða það hvort við ætlum í B.A-prófið eftir B.Ed-gráðuna eða hvort við förum bara í M.Ed-námið. Þá verðum við framhaldsskólakennarar og þurfum ekki að skipta um skóla. Og ef málin standa þannig ennþá, þá get ég búið hérna áfram. Ekki það að það sé fyrsti kostur en verður að duga þangað til ég annað hvort eignast kærasta sem á íbúð eða hef efni á að kaupa mér sjálf íbúð. Æ þetta verður bara allt að ráðast, mér liggur ekkert á, hef þessa íbúð alveg pottþétt í eitt ár í viðbót en ef ég fer í HÍ þá þarf ég að flytja... ok ég er hætt að röfla um þetta...

Ég er að fara að vinna á eftir í þrjá tíma. Finnst ótrúlega þægilegt að fara í vinnuna og vita að ég hafi allt kvöldið fyrir mig. Held meira að segja að ég sé komin með plön fyrir kvöldið... en er samt ekki alveg viss Það er þá alltaf O.C sem getur stytt mér stundir

Annað af lokaverkefnunum mínum er að taka á sig ótrúlega flotta mynd. Við verðum búnar bara áður en við vitum af. Sem er mjög gott Var samt að komast að því að lokaprófið mitt í einum áfanganum mínum er eftir vinnuhelgi í 10-11 þarf að athuga hvort ég geti hætt eða fengið frí. Hef ekki allan tímann í heiminum til að læra fyrir prófið!!

Æ ég er hætt þessu rugli. Hafið það gott í dag

Ég er orðin hrædd um að þið séuð búin að gleyma hvernig sætasti frændinn minn lítur út. Ætla að sjá hvort ég geti ekki sett inn einhverja sæta mynd af honum :)

 

Hárvesen

Hárið mitt er orðið allt of sítt!! Ég næ því í almennilega fléttu og það er merki þess að hárið mitt sé orðið allt of sítt. Hárgreiðslukonan mín i Keflavík nánast borgaði mér fyrir að fá að klippa fléttuna i hitteðfyrra þegar hún var sem lengst!! Og sem afleiðing af því varð hárið mitt styttra heldur en það hafði verið í mörg ár. Ég er ekkert mikið fyrir breytingar og finnst þægilegast að vera með sítt hár því þá get ég haft það í fléttu eða tagli og það er ekki ofan í andlitinu mínu! En því miður þá er það ekki eitthvað sem fer mér neitt voðalega vel, mér fer víst miklu betur að vera með hárið fyrir andlitinu. Af hverju ætli það sé?? hmmm.... nei djók... En ég vona að ég fái að fara í klippingu fljótlega, held að Hildur ætli að nota mig í próf í Iðnskólanum. Annars fer ég bráðum og hitti Kollu, klippikonuna mína í Keflavík Það er alveg komið tími á það!!

Ég afgreiddi Ronju ræningadóttur áðan - eða leikkonuna sem leikur hana. Ekki það að það sé svo merkilegt að ég hafi afgreitt fræga konu þannig heldur fannst mér bara svo ótrúlega merkilegt hvað hún er óþekkjanleg. Sem Ronja er hún ótrúlega stelpuleg með svart, stutt hár og topp en í alvörunni er hún ljóshærð með hár niður á rass eða þar um bil og mjög lítil. Andlitið varð kunnuglegt um leið og ég sá nafnið á kortinu hennar, þá fattaði ég hver hún var. 

Ég á bara tvær helgar eftir í 10-11 og fjóra virka daga!! Mikið hlakka ég til að hætta og geta einbeitt mér að skólanum - þessum ritgerðum sem eftir eru - og hinni vinnunni minni. Ég hlakka lika bara til að eiga frí um kvöldin um helgar og vera búin að vinna fyrir miðnætti. Það er það sem böggar mig mest. En það verður leiðinlegt að hitta ekki fastakúnnana... ekki það að þeim sé ekki sama um mig og viti ekki einu sinni hvað ég heiti heldur er gaman að sjá kunnuleg andlit og jafnvel vita hvað fólk ætlar að kaupa án þess að það segi manni það Ég fæ allavega alltaf bros fyrir að muna - jafnvel bara að rétta kvittun an þess að fólk biðji um hana, af því að ég veit að fólkið vill hana. Svo eru líka svo margir sætir strákar sem versla nánast daglega hjá mér. Sérstaklega einn sem er alveg hrikalega sætur og heilsar eins og við séum félagar Voðalega gaman.

 Ég er að hugsa um að fara að koma mér í háttinn, ætla að hitta Andreu uppi í skóla kl. 10 í fyrramálið til að gera verkefni.

Óreiða taugasérfræðings

Það er allt á rúi og stúi heima hjá mér!! Ég er nú vön því að hafa smá óreiðu í kringum mig en núna er allt út um allt. Stofuborðið er til dæmis komið inn í herbergi og stærri sófinn er á ganginum, fyrir framan klósettið og litli sófinn er inni í eldhúsi :) Þvottagrindin er á miðju stofugólfinu :) Ég nenni ekki að taka til og nenni ekki að færa sófann því það er svo ferlega fínt að horfa á sjónvarpið bara beint úr rúminu :) Ég einmitt hálfligg núna, ét snakk, drekk kók og horfi á friends á meðan ég hangi í tölvunni :) Gerist ekki betra :)

 Það kom eitt barn í sunnudagaskólann í morgun - dóttir kirkjuvarðarins. Við spiluðum bara við hana og Sólveig vann lúdóið :) Spjölluðum svo við hana í smástund áður en kirkjugestir komu niður.

Ég er svo andlaus, var að vakna. Þurfti að leggja mig því sunnudagaskólinn tók svo á. Eða meira svona að ég fór seint að sofa og vaknaði snemma... held reyndar líka að ég sé að fá hausverk. Er að fara aftur til læknisins á þriðjudaginn og þá á að ákveða hvort ég fari til taugasérfræðings aftur eða ekki eða hvort hjartatöflurnar dugi sem fyrirbyggjandi lyf.Ég fór til taugasérfræðings þegar ég var 10 ára og var fyrst greind með mígreni. Pabbi hefur mikið gert grín að þeirri læknisheimsókn. Sagðist sjálfur geta látið mig grípa bolta án þess að fá borgað morðfjár fyrir. Skrítin læknisheimsókn það. Læknirinn lét mig grípa bolta til að athuga viðbrögðin, skoða einhverjar blekklessur og eitthvað meira sem ég man ekki. Út úr því fékk hann að ég væri með mígreni :)

 Í dag eiga margir snillingar afmæli. William Shakespeare var fæddur þennan dag árið 1564 held ég alveg örugglega og hann dó sömuleiðis þennan dag árið 1616. Halldór Laxness var líka fæddur þennan dag árið 1902 (er það rétt hjá mér?). Hildur er 21 árs í dag og Þorkell Gunnar tvítugur! Til hamingju með daginn

 

Áföllin dynja yfir!

Þá er þessi laugardagur á enda! Gerði nú fátt skemmtilegt í dag; lá í leti og horfði á Friends, borðaði, þvoði þvott, fór í sturtu og fór svo í vinnuna! Það var afskaplega rólegt í vinnunni þetta kvöldið, ekkert voðalega margir viðskiptavinir og bara í alla staði rólegt. Það eru útlendu viðskiptavinirnir sem gera vinnuna mína þess virði að vinna hana. Þeir eru svo ótrúlega kurteisir, sérstaklega Bandaríkjamenn en útlendingar eru yfirleitt mjög kurteisir. Föstu viðskiptavinirnir mínir eru líka yfirleitt mjög almennilegir. En svo eru sumir sem eru hrikalega dónalegir. Það eru alveg fullt af hlutum sem við eigum ekki til í búðinni og sumt fólk hreinlega missir sig ef maður á ekki til það sem það vantar, úthúðar starfsfólkinu fyrir lélega þjónustu, lélegt vöruval og hátt verðlag!! Allir þessir hlutir eru náttúrulega á valdi eins skitins vaktstjóra og kassastarfsmanns!! Maður verður svo ótrúlega pirraður og sár því það er akkúrat ekkert sem ég get gert í öllum þessum liðum. Jú kannski í þjónustupartinum en mér finnst ég veita mjög góða þjónustu. Ég hef aldrei verið dónaleg eins og ég hef samt séð í búðinni minni... Æ sorry, ég er hætt að tala um búðina mína.

 Á morgun er næstsíðasti venjulegi sunnudagaskólinn - eða ég vona það. Er orðin ofsalega þreytt á að geta aldrei gert neitt af viti á laugardagskvöldum af því að ég þarf að vakna á sunnudagsmorgnum. Í kvöld er til dæmis afmæli sem mér er boðið í en kemst ekki, bæði af því að ég var að vinna til rúmlega miðnættis og svo af því að ég þarf að vakna fyrir allar aldir til að fara í kirkjuna. Það sama er uppi á teningnum næstu helgi - Jóhannan mín er að halda upp á 25 ára afmælið sitt og ég er að vinna til hálf 8 og svo er kirkjan morguninn eftir og afmælið í Keflavíkinni. 

 Litli bróðir minn verður tuttugu ára næstu helgi!!! Það þýðir að ég á einungis tæpa 8 mánuði í mitt 25 ára afmæli Almáttugur minn!! Mér finnst ég engan veginn vera tilbúin í að verða 25 ára!! Bara ekki á nokkurn hátt! Þarf maður eitthvað að þroskast þegar maður verður löglega kominn á þrítugsaldurinn? Mig vantar áfallahjálp!!!!! 

 Ég ætla að horfa á Boston Legal og jafnvel fara bara að sofa... býst ekki við að neitt spennandi gerist úr þessu.

Góða nótt! 

Fyrsta bloggfærsla

Verður maður ekki að athuga hvernig þetta dót virkar? Þetta lítur nógu einfalt út. blog.central hefur virkað ágætlega fyrir mig en þetta lítur vel út.

 Ég er búin að liggja yfir FRIENDS alveg endalaust lengi, og núna yfir nýjustu seríunni minni sem ég keypti í gær. Hún er búin að ganga alveg síðan í gær bara :) Ferlega skemmtilegt :)

Ég er að fara að vinna eftir þrjá tíma og nenni því svo innilega ekki. Ég þyrfti líka að vera dugleg að læra en ég er það ekki heldur... veit ekki hvernig þetta á eftir að enda...

 Er að hugsa um að hætta þessu og fara að þvo eða eitthvað.. koma mér í sturtu og svoleiðis