Prinsessan ég!

10.11.2006 | 13:16

Ég er orðin svo þreytt, svo ótrúlega þreytt. Auðvitað má kenna miklu álagi þar um og hverjum er það öðrum að kenna en sjálfri mér? Engum en það breytir því samt ekki að þegar maður er á annað borð búinn að koma sér í eitthvað er oft frekar erfitt - og stundum alveg ómögulegt - að breyta því. Eins og staðan er í vinnunni núna er engan veginn hægt að fá frí og ég nýðist ekki á þeim sem fyrir eru því þær vinna svo ógeðslega mikið alla daga! Framundan er vinnuhelgi hjá mér, leikhúsferð í kvöld og afmæli hjá Berglindi. Annað kvöld er KSF-fundur, er að hugsa um að skreppa í ljós áður en hann byrjar og svo Jól í Skókassa á Holtaveginum. Sunnudagurinn er vinna og svo æskulýðsfélag um kvöldið. Í gær fór ég út að borða með Hjallakirkju, fékk heimsókn í gærkvöldi og eyddi svo nóttinni á klósettinu. Held ég hafi fengið vott af matareitrun Ógeðslega er vont að æla!! Þoli það ekki!! Svo er ein vika eftir í vettvangsnámi og svo helgarfrí!! Svo bara venjulegur skóli! Og stutt í próf. Úff!!

Ég segi það ekki nógu oft en ég á bestu foreldra í heiminum! Á meðan ég var í Noregi setti pabbi minn vetrardekk undir bílinn minn. Þegar ég fór svo að keyra hann eftir að ég kom heim veitti ég því athygli að það var komið undarlegt hljóð í hann. Ég sjúkdómsgreindi hann sem svo að bremsurnar væru alveg að verða búnar og mikið rétt! Hann var alveg að verða bremsulaus. Ég þrjóskaðist við, fór á honum til Reykjavíkur og í skólann á þriðjudagsmorguninn. Hávaðinn í bremsudiskunum var orðinn frekar mikill og bremsurnar mikið slappar. Ég ákvað að þora ekki á honum í vinnuna og var því sótt. Takk Bjössi minn Svo skutlaði Siggi minn mér heim Mamma og pabbi komu í bæinn og sóttu bílinn minn og fóru með hann á verkstæði á miðvikudagsmorguninn. Þá var foreldradagur í skólanum og við þurftum því ekki að mæta. Spjallaði við yfirmann minn á msn af því að Bjössi vildi ekki sækja mig, það vantaði mjög marga og ég bauðst til að mæta fyrir eitt gegn því að ég yrði sótt. Ekkert mál Svo rétt fyrir lokun komu mamma og pabbi með bílinn minn til mín!! Þá hafði pabbi farið einu sinni til Reykjavíkur fyrr um daginn til að sækja varahluti í bílinn minn!! Þau meira að segja borguðu viðgerðina og varahlutina - en fá það til baka smátt og smátt! Takk mamma og pabbi

Ég er uppi í skóla núna, er að bíða eftir einni bekkjarsystur minni sem ætlar að hjálpa mér með eitt verkefni. Ég er nefnilega soldið að reyna að klóra í bakkann... er ekki tilbúin til að gefast upp. Ég er ekki alveg að standa mig sem skyldi í HÍ-áfanganum... en eygi smá von að ná honum þrátt fyrir allt. ÆTla að hlusta á fyrirlestrana kennarans núna - mér til skemmtunar.

Meginflokkur: Vinir og fjölskylda | Aukaflokkur: Bloggar | Breytt s.d. kl. 13:18 | Facebook

Athugasemdir

en hvað með systkyni þín?? hehehehe smá grín.

en já, það er merkilegt hvað er gert fyrir prinsessuna sína;) enda ekkert annað í boði... þau fá þetta margfalt til baka, kannski ekki í peningum hummm.. kannski tiltekt??? nehhh efast um það (;) kannski bara í ást og umhyggju...

ásta (IP-tala skráð) 10.11.2006 kl. 15:45

Systkinin mín eru líka best og þau vita það alveg góða sko.. ég er ýkt dugleg að taka til *hóst*

Þjóðarblómið, 10.11.2006 kl. 17:15

á ég að rétta þér hóstasaft??

ásta (IP-tala skráð) 10.11.2006 kl. 20:58

Þú ert svo fyndin!! Nú skil ég af hverju ég er svona hrikalega húmorslaus... hefur allt farið til þín :)

Þjóðarblómið, 11.11.2006 kl. 00:37

Góðir foreldrar eru það besta sem er hægt að hugsa sér! Hvar værum við nú án þeirra og yndislegheita þeirra :)
p.s. ég er sammála þér, hann er frekar ljótur, var að skoða hann ;)

Tinna Rós Steinsdóttir, 11.11.2006 kl. 12:10

Takk fyrir En skoðaðiru hinn sem ég sagði þér frá í gær, Tinna?? Hann er ofur!!