Cute doctor

3.flokkur gekk alveg ótrúlega vel og þær voru allar æðislegar. Ég var með frábært bænaherbergi sem ég sakna mjög mikið. Ég er reyndar með ágætar stelpur núna líka. En það samt soldið erfitt, margar þeirra þekkja mig fyrir sem foringja og vita ekki alveg hvernig þær eiga að taka mér sem forstöðukonu. Þetta reddast allt. 

Ég byrjaði flokkinn alveg ótrúlega illa. Ég fékk dúndrandi mígreni í gærkvöldi og það var orðið svo slæmt þegar ég fór inn í bænaherbergi að ég gat ekki lesið fyrir stelpurnar. Ég meikaði hvorki að lesa fyrir þær né heyra mína eigin rödd. Það bergmálaði allt og ég komst í gegnum eina og hálfa blaðsíðu! Oh þetta getur verið svo vont. Ég er enn ekki orðin góð en fer samt með í gönguferðir og þannig í dag. Það var komin ró á kofann um miðnætti sem ég er ótrúlega ánægð með, stelpurnar eru nefnilega frekar stórar og ég hélt það yrði meira vesen að koma þeim niður. Ég var samt komin upp í rúm og sofnuð um 11 útaf hausnum.

Ég er alvarlega farin að þrá að komast aðeins héðan. Bara aðeins að komast burtu og þurfa ekki að ráða neinu eða ákveða neitt. Ég er samt alls ekki að kvarta en ég er bara orðin þreytt. Ég fór í gönguferð með iPodinn minn í sumarbústaðahringinn í gær og það var endurnærandi. Bara rétt að komast burt í smástund.  

Ég fór til læknis um daginn og hann var ýkt sætur Alltaf gaman að hitta sæta lækna. Hann káfaði alveg helling á mér og vildi fá mig í blóðprufu. Ég komst ekki þegar ég átti að fara því ég þurfti að fara með rútunni í bæinn þannig að ég ætla að reyna að fara á mánudaginn i staðinn - ef ég næ að vakna. Hann vill útiloka lifrarvandamál með blóðprufunni. Hann mældi blóðþrýstinginn minn og miðað við að ég sé á hjarta- og blóðþrýstingslyfjum þá er hann frekar hár. Hann vildi nú ekki meina að það væri hættulegt samt, allavega ekki ennþá. Ég á að éta parasetamól, 1000 mg, allt að fjórum sinnum á dag þangað til annað kemur í ljós. 

Við erum allar orðnar sólbrenndar og sætar hérna. Sumar eru brúnni en aðrar og sumir verða bara rauðir og síðan ekki söguna meir. Ég verð orðin ótrúlega brún og sæt fyrir brúðkaupið hennar Andreu Vá hvað ég hlakka til að sjá hana! Ég er búin að fylgjast með undirbúningnum síðan hann hófst og er orðin mjög spennt þótt ég fari ein. Má samt taka með mér deit... ef það er einhver sjálfboðaliði til að koma með mér

Ef einhver vill koma og taka mig á smá rúnt seinnipartinn þá yrði það mjög vel þegið

Athugasemdir

[Guðmundur Karl Einarsson (IP-tala skráð) 30.6.2007 kl. 14:00]

Sorry honey. Vinnan þarfnast mín alveg til 20. Makalaust að einhver skuli nenna að fljúga á laugardögum

Take care

[Þjóðarblómið, 30.6.2007 kl. 16:34]

Þetta átti nú samt bara að vera eitthvert síðdegi, ekkert endilega í dag

[Tinna Rós Steinsdóttir, 2.7.2007 kl. 10:35]

Æ, vesen alltaf með þetta rassgatans mígreni.....við þurfum held ég siríouslí að fara að losa þig við það!
Annars held ég að það væri nú svosem ekkert vandamál að finna handa þér deit ef það er keisið.......mér dettur nokkur nöfn í hug :)

Annars skil ég þig rosa vel með sætu læknana......ég fór einmitt til eins slíks hérna um árið........vá hvað það var besta læknisheimsókn í heimi. Hann var líka með killer rass........úff, mér finnst að það ætti að vera skylda fyrir lækna að vera sætir! Það gerir læknaheimsóknir svo miklu miklu miklu skemmtilegri!!! :)

[Bjarni (IP-tala skráð) 5.7.2007 kl. 17:00]

Sammála Tinnu. Hafa skilyrði fyrir lækna og hjúkrunarkonur að vera módel.

Verst hvað maður yrði fljótt blankur eftir allar læknisheimsókninar.