Próflestur

Heilinn minn er svo stútfullur af aðferðafræðiútskýringum og formúlum að það hálfa væri nóg. Eg býð eftir að hann brenni yfir, svo mikið er ég búin að lesa. Í tvo daga er ég búin að sitja í sófanum mínum í náttfötum og ullarsokkum og lesa yfir greinar og glósur og enn meiri glósur. Einnig er ég búin að reikna gat á heilann - þvílíkt og annað eins að geta ekki lesið fyrirmælin og reiknað eftir þeim! Þarf að passa mig á því á morgun. Prófið er sem sagt í fyrramálið kl. 9 og það er eins gott að ég vakni. Hef átt frekar erfitt með það undanfarna morgna.. en fyrst að ég hef kvata til að vakna (Próf -Yes!!) þá hlýtur það að takast. 

Svo er helgin - vinnuhelgi en ég er búin að redda mér fríi þannig að ég hef alla helgina til að læra undir Mál í sögu og samtíð prófið. Komst að því að ég er ekki að fara hitta eitt af kassadýrunum mínum yndislegu fyrr en eftir áramótin. finnst það frekar sorglegt, hann er svo mikill snillingur Hann er alveg viss um að jólin mín verði ekki gleðileg fyrst hann verður ekki á landinu. 

Ég keypti nokkrar jólagjafir um daginn og mikið var það gaman. Einnig keypti ég smá jólaskraut - eitthvað svona ljósatré sem skiptir um lit - eitthvað plast/glerdót - ýkt flott... ég elska ljós... og svo kertastjaka með hreindýrum sem verður settur upp eftir prófið á morgun og að lokum keypti eg jólaseríu á svalirnar mínar. Langar að athuga hvort ég geti sett það almennilega upp... annars kemur nú mamma mín á sunnudaginn... fæ hana þá bara til að hjálpa mér

Ég ætla í sturtu og borða og halda svo áfram að læra

Athugasemdir

[Bjarni (IP-tala skráð) 7.12.2006 kl. 19:02]

Dííí, ég á eftir að kaupa jólagjafir! Tíminn líður alltof hratt. Miðað við hvernig hann líður núna, þá mun ég gleyma jólunum :S

En fyrst þarf ég að taka sama hverjum ég gef jólagjöf :P 

[Þjóðarblómið, 7.12.2006 kl. 19:17]

ég á eftir að ákveða það líka... er svona nokkurn veginn með þetta á hreinu samt... samt nokkur vafaatriði :)

[Ólafur fannberg, 7.12.2006 kl. 23:43]

kvitt og kveðja frá geimverunni

[Tinna Rós Steinsdóttir, 8.12.2006 kl. 13:11]

Ég skil hvað þú átt við með að eiga erfitt með að vakna á morgnanna. Ég á einmitt við þetta sama vandamál að stríða. Vandinn minn er samt held ég sá að ég hef einmitt engan kvata til að fara framúr rúmminu á morgnanna. Shit hvað ég er orðin dauðþreytt á að vera atvinnulaus!!! :(
En vonandi gekk þér vel í prófinu þínu ljúfan (eða gengur ef þú ert ennþá í því ;)).