Nótt ljósanna

3.9.2006 | 02:11

Ég fór til Keflavíkur eftir vinnu í kvöld til að vera viðstödd lokakvöld Ljósanæturhátíðar okkar Keflvíkinga. Ég fór með mömmu minni og pabba niður í bæ og hafði mjög gaman af. Við hittum fullt af fólki sem við þekktum og alveg ótrúlega margir niðri í bæ. Við röltum um og sýndum okkur og sáum aðra. Sálin hans Jóns míns spilaði í um hálftíma áður en flugeldasýningin byrjaði og þeir voru æðislegir. En eftir tónleikana þeirra var ein geggjaðasta flugeldasýning sem ég hef séð. Hún byrjaði á geðveikri tónlist og tveimur trommurum uppi á gámi. Á meðan þeir voru að tromma opnaðist svona risabrúðukall fyrir ofan þá og hann var ekkert smá flottur og rosalega stór - í jakkafötum með bindi og eyrnalokka. Eftir trommushowið flautaði Landhelgisgæslubáturinn þvílíkt og flugeldasýningin hófst. Hún hófst á eldsprengjum uppi á Bergi og svo flugeldafossi niður af Berginu - ekkert smá flott! Og í kjölfarið ein flottasta og veglegasta flugeldasýning sem ég hef séð. Svo lauk henni á fleiri eldsprengjum!! Geggjað alveg :)

Vinnan mín er ágæt - ég er aðeins byrjuð að læra að vera í upplýsingunum. Það á að þjálfa mig í það og hafa mig þar á virkum dögum býst ég við þegar allt kassastarfsfólk mætir sem á að mæta. Það verður ágætis tilbreyting en mikið rosalega er þetta flókið! Kannski fæ ég að prófa meira á morgun :)

Ég þarf að vakna 9 til að mæta í vinnu kl. 10 og býð ykkur þess vegna góða nótt :)

Flokkur: Bloggar | Facebook

Athugasemdir

Já mér er sagt að fólki sem var þarna að það hafi aldrei verið eins tilkomumikið og nú. Þetta sást ekkert yfir flóann en ég lág á rúðunum inni í Hafnarfirði og reyndi að glápa á sýninguna.

Emil Páll - blog.central.is/molar-epj (IP-tala skráð) 3.9.2006 kl. 13:25

Ég hefði ekki viljað missa af þessu :)

Þjóðarblómið, 3.9.2006 kl. 18:41

ég missti af þessu:( stóð fyrir utam flugstöðina í 29 mín og gafst svo upp. Þá var sjálf sýningin ekki byrjuð.
En það eru allir sammála með þessa sýningu, alveg stórkostleg!!

ásta (IP-tala skráð) 3.9.2006 kl. 18:53