svefnleysisvesen

Dagný keypti fyrir mig myndavél í Fríhöfninni. Ferlega flott - þarf bara aðeins að læra á hana. Á samt ennþá eftir að finna nafn á hana :) Þarf að leggja höfuðið í bleyti.

Í gær endurnýjaði ég leigusamninginn minn og á mánudaginn geng ég frá tryggingunum á íbúðinni. Þetta er svo endalaust mikið vesen - var alveg að verða gráhærð í gær. Fór heiman frá mér og niður í Landsbanka, þá vantaði einhverja pappíra (var samt búin að vinna í þessu í Keflavík á fimmtudaginn), fór að versla, fór heim og náði í leigusamninginn. Fór svo aftur til vinkonu minnar í Landsbankanum en þá þurfti ég nýjan leigusamning og þurfti að fara upp í BN til að sækja hann og fara svo aftur í Landsbankann til að skrifa undir og fá restina af pappírunum. Svo á ég eftir að fara einu sinni upp í BN til að ganga frá þessu! Algert rugl!!! Var svo þreytt eftir þetta að ég þurfti að fara heim að leggja mig :)

Önnur nóttin mín hérna og enn sef ég ekki almennilega. Svaf fínt í Keflavík á miðvikudagsnóttina en ég get ekki með nokkru móti sofið hérna! Skil ekki málið! Vona að það lagist þegar skólinn byrjar aftur - og vinnan.  Ég svaf í 6 tíma í nótt - kom heim rétt fyrir 4 og vaknaði á tveggja tíma fresti þangað til ég nennti ekki að reyna lengur að sofa. Ótrúlega böggandi. En ekkert sem ég get gert í þessu :-/

 

Athugasemdir

[Guðbjörg Þórunn, 19.8.2006 kl. 11:48]

öss er það nú ástandið. vona að þú farir að sofa vel sem fyrst þar sem það er bara ömurlegt að vera þreytt! þá er allt ómögulegt.

sjáumst kannski á morgun :)

[Þjóðarblómið, 19.8.2006 kl. 12:55]

Ég skil þetta ekki þar sem ég sef vel alls staðar annars staðar :) Böggandi drasl!!! Þetta kemur vonandi þegar ég byrja að vinna :)

[Bjarni (IP-tala skráð) 19.8.2006 kl. 13:00]

Ahhh, ég svaf í kringum 12 tíma í nótt :P Svaf líka bara í 2 tíma nóttina áður og djöflaðist í fótbolta um kvöldið. Hef sjaldan sofið svona lengi og vel.

En afhverju þarftu að finna nafn á öllum hlutum? :/

[Þjóðarblómið, 19.8.2006 kl. 14:04]

Af þvi að það er kúl Bjarni :) Þarf að finna eitthvað fallegt nafn a myndavélina mína :) Hlutir verða ða hafa nafn svo hægt sé að tala um þá án þess að tala um tölvu eða myndavél :)