Where the sun doesn't shine

Annar flokkur er farinn heim og þriðji flokkur mættur á svæðið. Matsalurinn virðist minnka með hverjum flokknum því stelpurnar verða sífellt stærri. Margar þeirra eru stærri en ég en það er svo sem ekkert óvanalegt. Ég er foringi í þessum flokki eftir tvær velheppnaðar vikur sem forstöðukona. Mér finnst þær hafa tekist vel og hef fengið mikið hrós fyrir. Einhverjir hafa áhyggjur að ég muni láta illa að stjórn eftir að hafa verið við stjórnvölinn alveg síðan við byrjuðum starfið en ég held þetta muni takast vel. Stend mig allavega vel í að taka þau frí sem mér eru ætluð  

Ég skrapp í Bongó í dag (Borgarnes fyrir þá sem ekki þekkja til) og eyddi alveg hellings pening eða alveg 11 þúsund. Ég keypti kók fyrir næstum því helminginn af þessari upphæð, eða svona næstum því. Ég keypti allavega mikið kók sem ætti að duga út tvær vikur eða þangað til ég fer í bæinn í frí. Ég keypti líka linsur og og fleira skemmtilegt dót í apótekinu. Ég elska apótek, þau eru æðisleg og það er svo gaman að skoða í þeim.

Á miðvikudaginn ætla ég að fara í fyrsta skipti til læknis á Akranesi. Ég held meira að segja að ég hafi í fyrsta sinn í morgun pantað tíma sjálf hjá lækni. Mamma mín gerir það alltaf því hún vinnur á spítalanum í Keflavík og hæg eru heimatökin. Læknar eru skemmtileg fyrirbæri. Sá sem ég fór síðast til vildi bara gefa mér stíla þegar ég fengi mígrenikast og núna er eiginlega komið að því að ég ætti að prófa það, er nefnilega með mígreni. Ég hef samt alveg afskaplega litla löngun til að troða einhverjum töflum þangað sem sólin skín ekki þannig að á meðan ég er ekki deyja úr verk þá ætla ég ekki að gera það.

Ég ætla að lesa aðeins yfir hugleiðinguna sem ég á að flytja í kvöld, hef nefnilega ekkert lesið hugleiðingaefnið yfir, bara biblíulestrana.

Vildi samt deila með ykkur að uppáhalds prinsinn minn varð tveggja ára í gær. Benóny er orðinn tveggja ára og ég missti af því sem og fæðingunni hans og eins árs afmælinu En ég og bænastelpurnar mínar sungum afmælissönginn fyrir hann en efa samt um að það hafi heyrst til hans. 

Athugasemdir

[Tinna Rós Steinsdóttir, 25.6.2007 kl. 13:53]

Ég er fullviss um að þú eigir eftir að láta vel af stjórn.....þú ert svo dugleg og klár í öllu sem þú gerir beibí!! :)

Annars skal ég sko segja þér það að ég hringdi og pantaði tíma hjá lækni í morgun, og hvað helduru......ég fékk tíma 15 ÁGÚST!.......Ég þoli ekki svona rugl!!!!! En ég mæli samt ekki með að þú troðir töflum í óæðri endann......það hlýtur að vera til betri lausn :s

En ég hlakka annars ýkt til að fá þig í bæinn og leika við þig trilljón, milljón, billjón :)

[Linda (IP-tala skráð) 26.6.2007 kl. 11:50]

Hæhæ

Til hamingju með litla sæta frænda.

Vá hvað ég er sammála þér með apótekin, það er endalaust hægt að skoða þar. Ég hef mikið þurft að heimsækja apótekin undanfarið og leiðist það ekki, það er sko hellingur sem ég á eftir að skoða.

Annars ætlaði ég bara að kvitta. Kv Linda landsbyggðarlúði

[Guðmundur Karl Einarsson (IP-tala skráð) 26.6.2007 kl. 12:56]

Ég verð eiginlega að vera algerlega ósammála með apótek. Að bíða þar eftir að lyfseðill sé afgreiddur er með því leiðinlegra sem ég geri. Það er nákvæmlega EKKERT spennandi að skoða, nema kannski Séð & heyrt.

Aftur á móti er alveg hægt að missa sig í bókabúðum :)

[ásta ben (IP-tala skráð) 29.6.2007 kl. 15:33]

vá takk fyrir þetta.

Við erum farin að sakna þín!! ætlum í útilegu um helgina og held ég að laugarvatn verði fyrir valinu;) gamla tjaldið hjá mömmu og pabba og allar þeirra útilegu græjur og bolti og náttúra..mmmmmm

love it!! ef að við hefðum farið í hina áttina þá hefðum við kíkt í heimsókn. Svo máttu bara bjóða mér og Ben fromlega í dagsferð til þín ef að það er í boði

Hafðu það gott systir, ég var að reyna að tala við þig á msn í gær en fékk ekkert svar

[Þjóðarblómið, 29.6.2007 kl. 19:00]

Útilegur eru æðislegar. Vá hvað það er langt síðan ég hef farið í almennilega útilegu með öllu tilheyrandi. Þið eruð alltaf velkomin hingað í dagsheimsókn. Hér er nóg af barnapíum sem þætti bara gaman að fá lítinn gaur í heimsókn og þú að sjá hvernig starfið er hérna