dugnaður

Ég er orðin arfaslakur bloggari! En það er allt í lagi.. fáið ekkert svo margar færslur frá mér í sumar hvort sem er. 

Ég sit hérna uppi í rúminu mínu og bíð eftir að þvottavélin klárist. Núna er ég að vinna í því að taka mig til fyrir Ölver og þrífa íbúðina mína svo ég komi ekki heim í skítugan skókassa eftir tvær vikur! Ég þarf líka að fara og kaupa fullt af dóti sem mig vantar - eða fullt - mig vantar kók og shampoo og hárnæringu. En kókið er nú svo sem alveg fullt. Tveggja vikna birgðir.  Þarf líka að kaupa eina innflutningsgjöf sem ég gef svo í kvöld. 

Ég fór til Keflavíkur í gær. Við Benóný fórum þrisvar sinnum út að labba. Ótrúlega dugleg. Ég fór til tannlæknisins míns og bæði hann og klíníkdaman hans fengu áfall yfir því að ég væri að koma fjórum mánuðum of snemma í árlegu skoðunina mína. Hann fann enga skemmd í tönninni minni eða neinni annarri tönn. Enda bjóst hann ekki við því - hef aldrei fengið skemmdir áður og ég á að halda því þannig.

Íbúðin þeirra Ástu og Halla er að verða ótrúlega flott. Þau eru alveg að verða búin að mála og stefna að því að byrja að flytja inn á morgun. Ég verð fjarri góðu gamni eins og í öllum flutningum fjölskyldunnnar - ég missti meira að segja af mínum eigin flutningnum í bæinn í fyrra. Var uppi í Ölveri þegar þau fluttu mig í bæinn. Ég tók engan þátt í því heldur þegar Fiffi flutti hingað inn - var að vinna og fékk áfall þegar ég kom heim. Og ég missti líka af því þegar hann flutti út en það var viljandi gert. Flúði til Keflavíkur á meðan það gekk yfir. 

Þvottavélin er örugglega búin. Nú þarf að skipuleggja hvað mig vantar helst til að fara með uppeftir. Hvort er nauðsynlegra að eiga hreina boli eða hreinar nærbuxur og sokka? Eða sængurver? Þar sem ég á bara tvenn sængurver og þetta sem ég er með núna er alveg að verða skítugt.

Jæja farin...  

Athugasemdir

[Jóhanna M (IP-tala skráð) 2.6.2006 kl. 13:51]

Já þú heimtar comment......
mér finnst nauðsynlegra að hafa hrein nærföt og sokka. Þóra þú ert með of mikið gruppepresse, þannig að ég veit ekkert hvað ég á að segja við þessu, en góða ferð uppeftir og ég kem fljótlega í heimsókn. Annar í hvaða viku ertu í frí næst.

[Þjóðarblómið, 2.6.2006 kl. 13:53]

ég er í fríi 20. - 27. júní (fer uppeftir á hádegi 27. júní).

Þér ferst nú að tala um hópþrýsting vinan!!! :)

[Bjarni (IP-tala skráð) 2.6.2006 kl. 19:22]

Gruppepresse? jááá, nú fatta ég! :$ ...enda búinn með DAN 303 ;)

[Þjóðarblómið, 2.6.2006 kl. 19:45]

Ég þurfti enga dönsku 303 til að skilja þetta :) En svona er ég nú bara klár ;)